Ռազմավարական ինտեգրացիոն նախագծերի ղեկավար (Project Manager)
Իդրամ ընկերությունը փնտրում է Ռազմավարական ինտեգրացիոն նախագծերի ղեկավար, ով պատասխանատու կլինի Ընկերության ռազմավարական նշանակության ծառայությունների՝ արտաքին գործընկերների հետ ինտեգրման և նոր ծառայությունների ներդրման ամբողջ գործընթացի համար՝ սկսած պահանջների հավաքագրումից և վերլուծությունից մինչև գործարկում, սպասարկում և շարունակական զարգացում։
Հիմնական պարտականություններ
- Ղեկավարել նոր գործընկերների ինտեգրման ամբողջ գործընթացը՝ նախնական քննարկումներից մինչև գործարկում և հետագա աջակցություն։
- Համակարգել աշխատանքը արտաքին գործընկերների և Ընկերության ներքին թիմերի միջև՝ ապահովելով արդյունավետ համագործակցություն և նախագծերի ժամանակին իրականացում։
- Հավաքագրել, վերլուծել և փաստաթղթավորել գործընկերներից ստացվող բիզնես պահանջները՝ պատրաստելով Business Requirements Document (BRD) փաստաթղթեր մշակման թիմերի համար։
- Նոր ներքին պրոդուկտների կամ ֆունկցիոնալ հնարավորությունների ստեղծման դեպքում սահմանել բիզնես պահանջները և համակարգել դրանց իրականացումը՝ համագործակցելով ծրագրային ապահովման թիմերի հետ։
- Համագործակցել նախագծերի պատվիրատուների, բիզնես վերլուծաբանների, ծրագրային ապահովման թիմերի, կոմերցիոն, իրավաբանական, ՏՏ անվտանգության, հաշվապահության, մարքեթինգի, հաղորդակցման և այլ շահագրգիռ թիմերի հետ՝ ապահովելով նախագծերի հաջող իրականացումն ու գործարկումը։
- Ստեղծել և վերլուծել հաշվետվություններ, շարունակաբար հետևել գործարկված ինտեգրացիաների արդյունավետությանը, բացահայտել զարգացման հնարավորություններն ու ժամանակին արձագանքել առաջացող խնդիրներին։
- Մասնակցել պայմանագրերի մշակման և վերանայման գործընթացին՝ գնահատելով դրանց բիզնես, տեխնիկական և օպերացիոն ազդեցությունը։
- Պատրաստել ուղեցույցներ, աշխատանքային հրահանգներ և ուսուցողական նյութեր Զանգերի կենտրոնի և այլ ներգրավված թիմերի համար։
Պահանջվող որակավորումներ
- Բարձրագույն կրթություն (նախընտրելի է բիզնեսի, տնտեսագիտության, տեղեկատվական տեխնոլոգիաների կամ հարակից ոլորտներում)։
- Առնվազն 2-3 տարվա աշխատանքային փորձ Product Management, Business Analysis, Project Management, Partner Management կամ նմանատիպ ոլորտում։
- Փորձը արտաքին գործընկերների հետ ինտեգրացիոն նախագծերի համակարգման գործում կդիտարկվի որպես առավելություն։
- Բիզնես պահանջների հավաքագրման, վերլուծության և փաստաթղթավորման փորձ։
- REST API-ների, ինտեգրացիոն գործընթացների և համակարգերի փոխգործակցության ընդհանուր պատկերացում։
- Jira, Confluence կամ նմանատիպ աշխատանքային գործիքների կիրառման փորձ։
- Վերլուծական մտածողություն, խնդիրների լուծման հմտություններ և մանրուքների նկատմամբ ուշադրություն։
- Բարձր հաղորդակցման և բանակցային հմտություններ։
- Հայերենի գերազանց, ռուսերենի և անգլերենի լավ իմացություն։